Аблакеткадағы Байдуков көшесінде жол жөндеу жұмыстары жүріп жатыр – Өскемен
Фото: Анель Абзалбекова
Биыл қала әкімі бірқатар шағын ауданның тұрғындарымен кездесіп, мәселелерін тыңдаған еді. Аблакетка шағын ауданының тұрғындарымен кездескенде халық бірқатар мәселені көтерген. Соның бірі – Байдуков көшесіндегі жолдың жағдайы.
Қазір Аблакетка шағын ауданындағы Байдуков көшесінде жол жөнделіп, асфальт төсеу жұмысы жүріп жатыр, деп хабарлайды Altaynews тілшісі.
– Қала әкімі екі ай бұрын осы ауданның тұрғындарымен кездескенде халық осы мәселе туралы айтты. Олар қыста, көктем мен күзде аталған жолда көлік жүруі қиын екенін айтты. Жүк көліктері, көмір таситын көліктер, шақырған «Жедел жәрдем» көлігі, такси де өте алмайтынын жеткізді, – дейді Өскемен қаласының Ішкі саясат бөлімінің басшысы Әлібек Тұрсымбетов.
795 шаршы метр жолдағы жөндеу жұмысы шамамен қазан айында аяқталады. Жұмыс жүргізіп жатқан мердігер компания – «ДСУ–11».
Оқи отырыңыз
