"Жаз мезгілінің басталуына байланысты тұрғындардың демалыс орындарына жаппай шығуынан жолдарда көлік қозғалысы ағынының қарқындылығы айтарлықтай артты. Жол көлік оқиғаларының алдын алу мақсатында ШҚО полиция департаменті арнайы ұшатын аппараттарды - дрондарды пайдалана отырып, қарсы жолаққа шығу, басып озу, маневр жасау ережелерін бұзу, жылдамдықты шектен асыру сияқты жол жүрісі қағидаларын өрескел бұзуды анықтау үшін жасырын патрульдеу жұмыстарын жүргізуде. Анықталған бұзушылықтар әкімшілік шара қолдану үшін дереу жол бойында қызмет өткеріп жүрген патрульдік полиция жасақтарына жіберіледі. Құрметті жол қозғалысына қатысушылар, ШҚО полиция департаменті жол жүрісі қағидаларын қатаң сақтауға кеңес береді! Өзіңізге және жақындарыңызға қамқор болыңыздар!" – деп жазылған ШҚО ПД хабарламасында.