Өскеменде мас күйде көлік басқарған жүргізушілер анықталды
Фото: egemen.kz
Өскемен қаласының ПБ патрульдік полиция батальонының қызметкерлері жол-көлік оқиғаларының алдын алуға және жол жүрісі қағидаларын мүлтіксіз сақтауға бағытталған профилактикалық жұмыстарды тұрақты негізде жүргізеді.
15-18 қыркүйекте жүргізілген рейдтік іс-шаралар барысында алкогольдік және есірткілік мас күйде көлік басқарған 5 жүргізуші анықталды, деп хабарлайды Altaynews тілшісі.
– Осы және басқа да құқық бұзушылардың көліктері мамандандырылған тұраққа қойылды. Ал жүргізушілерге қатысты ҚР ӘҚБтК-нің 608-бабы 1-бөлігі бойынша әкімшілік хаттама толтырылды. Бұл он бес тәулікке әкімшілік қамауға алуға және жеті жыл мерзімге көлік құралын басқару құқығынан айыруға әкеп соғады, – деп жазылған ШҚО ПД хабарламасында.
Сонымен қатар, көлік құралын басқару құқығынан айырылған және мас күйде көлік басқарған 1 жүргізуші ұсталды. Қазір оған қатысты ҚР ҚК-нің 346-бабы 1-бөлігі бойынша сотқа дейінгі тергеу жүргізіліп жатыр.
Оқи отырыңыз
