KZ
Өскемен
-8°
пасмурно жел 4 м/с, ОШ
453.35 492.02 4.96

Көлік министрі ШҚО-ны аралап, жергілікті тұрғындармен кездеседі

3.12.2023, 23:00 207

Бұл туралы министрдің баспасөз хатшысы Жанжігіт Омархан өзінің Facebook парақшасында жария етті. Көлік министрі кеше Ұлытау облысына келіп, автокөлікпен жол учаскелерін тексеру үшін Жезқазғаннан Қызылордаға қарай шыққан.

«Министр аталған жұмыс сапары барысында көлік инфрақұрылымы нысандарын аралап, жолдардағы жөндеу жұмыстарының барысын бағамдау үшін 6 облыс пен 2 қаланы бірден аралап өтуді жоспарлап отыр. Олардың қатарында Қызылорда, Түркістан, Жамбыл, Шығыс Қазақстан, Маңғыстау облыстары, сондай-ақ Шымкент және Алматы қалалары бар. Кеше Ұлытау облысына келдік. Бүгін автокөлікпен жол учаскелерін тексеру үшін Жезқазғаннан Қызылордаға қарай шықтық», делінген жазбада.

Баспасөз хатшысының хабарлауынша, министр бұл жұмыс сапары барысында көлік инфрақұрылымы нысандары мен темір жол станцияларын аралап, жолдардағы жөндеу жұмыстарының барысын тексеріп, республикалық маңызы бар күре жолдардың қыс маусымына дайындығын қадағалайды. Сондай-ақ қала және облыс орталықтарында жергілікті тұрғындармен кездеседі, азаматтарды жеке сұрақтары бойынша қабылдайды.

«Егер аталған аймақ азаматтарының Марат Кәрімжанұлына тікелей сауалдары болса, менің жекеме жазуларыңызға болады», деп түйіндеді Ж.Омархан.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив