KZ
Өскемен
+28°
облачно с прояснениями жел 3 м/с, СБ
473.15 515.12 5.4

ШҚО-да "Алғашқы жұмыс орны" жобасы бойынша 22 жас жұмысқа орналастырылды

6.12.2021, 15:47 116

Семей өңірінде ауыл шаруашылығы өнімдерінің бағасын тұрақтандыру үшін бірінші кезекте жергілікті ауыл шаруашылығы тауарын өндірушілердің мүмкіндіктерін пайдалану қажет. Бұл туралы Семей қаласы әкімдігінің отырысында айтылды.

Семей өңірі бойынша күзгі дала жұмыстары және алдағы мал қыстауына дайындық жұмыстары аяқталды. Барлық агротехникалық шаралар сақталынған жағдайда жоспарланған өнім көлемі алынып, алдағы қыстауға қажетті шөп дайындалды.

Ауыл шаруашылығы дақылдары 15600 га алқапқа себілді. Бұл көрсеткіш өткен жылға қарағанда 840 га немесе 5,4% - ға артық. Күнбағыстың майлы дақылдары 1687 га алқапқа егілді. Жиналған өнім жем-шөп мақсатында пайдаланылатын болады.

68 мың тоннаға жуық картоп, 36 мың тонна көкөніс дақылдары, 864 тонна бақша дақылдары жиналды. Шаруашылық жүргізуші субъектілер өнімді қала базарларында және басқа өңірлерге сатады, ал қалған өнім сақтауға беріледі.

Дәнді, майлы және жемдік дақылдар толығымен шаруашылықтарға тиесілі. Картоптың 69% - ы және көкөніс пен бақша дақылдарының 70% - дан астамы шаруалардың жеке қосалқы шаруашылықтарынан алынды.

Ауыл шаруашылығы бөлімінің мәліметінше, жоғары өнімділікке жоғары радиациялық тұқымдарды қолдану, топырақты жақсарту, жеткілікті суару және минералды тыңайтқыштарды қолдану арқылы қол жеткізілді.

Биыл 612 га суармалы алаңда алты жаңа жаңбырлатқыш агрегат орнатылды. Егін жинау жұмыстарына 1837 ауыл шаруашылығы техникасы мен жабдықтары тартылды.

Ауыл шаруашылығы тауарын өндірушілерге мемлекеттік қолдау түрінде литріне 180 теңге бағамен 705 тонна арзандатылған дизель отыны бөлінді.

Сатып алынған ауыл шаруашылығы техникасы мен жабдықтары үшін 131,0 млн.теңге инвестициялық субсидия төленді.

Ірі қара мал басы 74,3 мың бас, қой мен ешкі – 79,8 мың, шошқа - 0,9 мың, жылқы – 46,9 мың, құс – 1195,9 мың басты құрады.

Алайда, аталған жоғары көрсеткіштерге қарамастан, ауыл шаруашылығы бөлімінің басшысы Нұрлан Шақабаевтың баяндамасы

қабылданған жоқ. Ол қала әкімі Бақытжан Байахметовтың бірқатар сұрақтарына жауап бере алмады. Май зауытының мультипликативті әсері қандай? Қандай дақылдарды егу жоспарланған және қандай пропорцияда? Неліктен мұндай ірі кәсіпорын шикізатты Ресей Федерациясынан, Қазақстанның басқа аймақтарынан сатып алуға мәжбүр? Неліктен жергілікті өндірушілердің өнімдері жеткізілмейді?

«Осындай қуатты базамен біз зауытты шикізатпен қамтамасыз ете алмай отырмыз. Суармалы жерлер, су бар. Қайта өңдеу де жақын жерде. Тағы не керек?», қала әкімінің осындай сұрақтары жауапсыз қалды.

Бақытжан Байахметовтың айтуынша, көтерме-тарату орталықтарының қоймалары тіпті 5%-ға толтырылмаған. Ауыл шаруашылығы бөлімінің келесі жылға көзқарасы жоқ. Тиісті талдамалық жұмыс жүргізілмейді. Егіс алқаптары бойынша келесі жылға жоспар жоқ. Ал мұндай жоспарлаусыз ауыл шаруашылығы тауарын өндірушілер субсидия түрінде қажетті көмекті ала алмайды.

«Баяндама қабылданбайды. Бір айдан кейін осы мәселелер бойынша бөлімнің жұмысын тағы бір рет тыңдаймыз», - деп түйіндеді қала әкімі.


Әкімдік отырысында сондай-ақ Нәтижелі жұмыспен қамтуды және жаппай кәсіпкерлікті дамытудың 2017-2021 жылдарға арналған «Еңбек» мемлекеттік бағдарламасын іске асыру барысы туралы мәселе қаралды.

2021 жылы «Еңбек» бағдарламасы бойынша қаржыландыру көлемі 758,4 млн.теңгені құрады.

Еңбек делдалдығына 5827 адам өтініш білдірді, оның ішінде бағдарлама шеңберінде мемлекеттік қолдау шараларымен 5513 адам қамтылды. Оның ішінде 4360 жұмыссыз, оның ішінде екі мыңнан астамы – жастар.

167 өзін-өзі жұмыспен қамтыған және жұмыссыз азаматтар кәсіпкерлік негіздеріне оқытылып, сертификаттар алды.

Шағын несиелерді 78 қатысушы 684,0 млн. теңге сомасына алды. Шағын несиелер ірі қара, ұсақ мал мен жылқы өсіруге, қоғамдық тамақтану пункттерін, стоматологиялық кабинет, наубайхана және жол бойындағы кафе ашуға, арнайы техника сатып алуға, айналым қаражатын толықтыру және басқа да мақсаттар үшін берілді.

Мемлекеттік гранттар 163 қатысушыға 95,094 млн. теңге сомасында берілді. Қосымша жастар арасынан 28 адам грант алды.

Тұрақты және уақытша жұмыс орындарына 4142 адам орналастырылды. Қоғамдық жұмыстарға 1023 адам жіберілді.

Ағымдағы жылдың мамыр айынан бастап «Алғашқы жұмыс орны» жобасы іске асырыла бастады. Оның мақсаты: жұмыс берушілерді еңбек тәжірибесі жоқ жастарды алғашқы жұмысқа қабылдауға ынталандыру, сондай-ақ жастардың еңбек нарығындағы бәсекеге қабілеттілігін арттыру.

«Алғашқы жұмыс орны» жобасы бойынша жұмыс беруші халықты жұмыспен қамту орталығының жұмыскерге бірінші жұмыс жылы үшін 20 АЕК (58340 теңге) мөлшерінде ай сайынғы еңбекақы төлеуді субсидиялай отырып, кемінде 24 ай мерзімге тұрақты жұмысты ұйымдастырады. Бір жылға алғашқы жұмыс орнына 17 адамды жіберу жоспарланса да, қазіргі уақытта 22 адам аталған жоба бойынша жұмысқа жіберілді.

Семей қаласының әкімі жастардың жұмысқа орналасуына назар аударды. Жұмыспен қамту, әлеуметтік бағдарламалар және азаматтық хал актілерін тіркеу бөлімдері бір апта ішінде көктемгі кезеңде жұмыс істеуге дайын жұмысшы кадрлардың санын анықтауға тапсырма берді.

«Көптеген жастар мен білікті мамандар басқа қалалар мен өңірлерге кетуде. Біздің қаламызда да жұмыс күшіне сұраныс бар. Біз оларды осында, туған қаламызда жұмысқа орналастыруымыз керек», - деп атап өтті Бақытжан Байахметов.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив