Алматы халықаралық әуежайында iPhone 15 ұялы телефондары контрабандасының жолы кесілді. 

Қаржы министрлігінің Мемлекеттік кірістер комитетінен мәлім еткендей,22 қыркүйек күні «Дубай-Алматы» рейсін кедендік бақылау кезінде жеке тұлғадан декларацияланбаған iPhone 15 телефонының 34 данасы табылды, деп хабарлайды Altaynews тілшісі Қазақпаратқа сілтеме жасап.

Олардың алдын ала есептелген кедендік құны – 25,3 млн теңге. Ал мемлекетке келтірілген шығын 3,1 млн теңгені құрайды.

Мемлекеттік кірістер комитетінен еске салып өткендей, ұялы телефондар жеке тауарлар санатына жатады және жеке тұлғалар оны кедендік шекара арқылы өткізген кезде олардың саны бір адамға екі бірліктен аспауы тиіс (ҚР ҚМ 2015 жылғы 31 наурыздағы № 250 бұйрығы).