Халықаралық іздеуде жүрген шетелдік азамат ШҚО-да ұсталды
Фото: El.kz
Шығысқазақстандық полиция қызметкерлері ауыр қылмысы үшін халықаралық іздеу жарияланған Өзбекстан азаматын қолға түсірді.
Күдікті жедел-іздестіру іс-шараларын жүргізу барысында Өскемендегі жалдамалы пәтерлердің бірінде ұсталған, деп хабарлайды Altaynews тілшісі.
39 жастағы өзбекстандық бір жылдан астам уақыт бойы ірі көлемде мүлік ұрлағаны үшін халықаралық іздеуде болған көрінеді.
- Қазіргі уақытта ұсталған адам уақытша ұстау изоляторына қамалды. Өзбекстан Республикасындағы әріптестерімізге қылмыскердің орналасқан жері туралы хабарлама жіберілді, – деді ШҚО ПД бастығы, полиция генерал-майоры Ерлан Омарбеков.
Айта кетейік, жыл басынан бері ШҚО ПД қызметкерлері осындай 80-нен астам қылмыскерді ұстаған.
Оқи отырыңыз
