Бүгін – Халықаралық отбасы күні. Атаулы күн 1993 жылы БҰҰ-ның Бас Ассамблеясымен бекітілген. Отбасы күні алғаш рет 1994 жылы аталып өткен.

Отбасы күніне орай ШҚО-да әскерилер «Анаңа қоңырау шал» атты акция ұйымдастырды, деп хабарлайды Altaynews тілшісі.

Ұлттық ұланның "Шығыс" өңірлік қолбасшылығына қарасты барлық әскери бөлімдерінде «Анаңа қоңырау шал» атты челлендж өтті.

  "Мерзімді қызметтегі әскери қызметшілерден бөлек, сержанттар мен офицерлер де аналарына қоңырау шалды, мерекемен құттықтап, жақсы көретіндіктерін жекізді", дейді "Шығыс" өңірлік қолбасшылығының баспасөз қызметі.