Бұқтырма су қоймасының жағалауындағы "Приморск" демалыс базасында ерекше білім беру қажеттіліктері бар балаларға арналған жазғы экологиялық-сауықтыру лагерінің қорытынды маусымына арналған шара өтті.
Жеті маусымды қамтыған лагерде жеткіншектер ата-анасымен табиғат аясында сергіп, бой жазуға мүмкіндік алды, деп хабарлайды Altaynews тілшісі.
Ата-аналар да балалары үшін дәл осындай форматтағы демалыс ұйымдастырылғанына дән риза. 

Жазғы экологиялық-сауықтыру лагері маусымның жабылуына Samruk–Kazyna Trust әлеуметтік жобаларды дамыту қорының Бас директоры Альфия Адиева да келіп қатысты.

Бұл лагерьдің ерекшелігі - балалармен дефектолог, дене шынықтыру-сауықтыру мұғалімі және музыка жетекшісі секілді мамандар жұмыс істеді. Ата-аналарға да жеке психолог мамандардың қызметі көрсетілген.