Глубокое ауданында екі баланы ит қауып алды
Глубокое ауданының Белоусовка кентінде екі баланы ит қауып алды.
Оқиға ағайынды балалар достарымен ойнау үшін көршінің ауласына барған сәтте болған, деп хабарлайды Altaynews тілшісі.
Ит ағайынды балалардың бірін 21 қараша күні қауып алған. Бірақ бүлдіршін ата-анасына құлап қалғанын айтыпты. Артынша, 25 қарашада оқиға қайталанып, екінші бала зардап шегеді.
Қазір балалар Ана мен бала орталығында ем қабылдап жатыр.
- Бір бала нейрохирургия бөлімінде. Өзін жақсы сезінеді. Екіншісі 25 қараша күні көз микрохирургиясы бөліміне жатқызылды. Бас терісі, қабағы мен беті жараланыпты. Шұғыл түрде ота жасалды, - дейді ШҚО денсаулық сақтау басқармасының баспасөз қызметі.
Оқи отырыңыз
