KZ
Өскемен
-12°
туман жел 2 м/с, С
451.03 487.47 4.94

Қазақстанда бес дәріге тыйым салынуы мүмкін

фото: gazeta.ru

29.11.2023, 19:01 122 Анель Слямғазықызы

Елімізде бақылауға жататын есірткі, психотроптық заттар мен прекурсорлар тізіміне өзгерістер енгізу жоспарланып отыр.

Бұл туралы Ішкі істер министрінің тиісті қаулысы «Ашық заңды тұлғалар» порталында жарияланды, деп хабарлайды Altaynews.kz сайты BAQ.KZ порталына сілтеме жасап.

Салыстырмалы кестеде көрсетілгендей, олар есірткі және психотроптық заттардың тізімін медициналық мақсатта қолдануға тыйым салынған бірнеше дәрі-дәрмекпен толықтырғысы келеді: пара-фтор фентанил (пара-фторфентанил), брофин, метонитазин.ъ

Фентанил - синтетикалық, күшті анальгетик. Ол көбінесе анестезиологияда, фельдшерлік және апаттар медицинасында қолданылады. Препаратқа тәуелділік және тіпті физикалық тәуелділік пайда болады.

Брорфин халық арасында «күлгін героин» деген атпен белгілі. Бұл пиперидин негізіндегі опиоидты анальгетик. Көп қолданған кезде ол да тәуелділік тудырады.

Метонитазен күшті синтетикалық опиоид. Героин мен фентанилге ұқсас әсер етеді.

Бірнеше психотроптық заттарға да тыйым салынуы мүмкін: 3-метоксифенциклидин және эутилон.

Фенциклидин – көктамырішілік анестезияға арналған синтетикалық фармакологиялық препарат. Ол 1950 жылдан бері медициналық мақсатта қолданылып келеді, бірақ кейін оны клиникалық тәжірибеде қолдану көп ұзамай тоқтатылды. Көптеген елде ол есірткі заты синтетикалық галлюциноген ретінде танылды.

Эутилон - синтетикалық психостимулятор. Биыл қыркүйек айында Еуразиялық экономикалық комиссия (ЕЭК) оны ЕАЭО елдеріне әкелу және пайдалану үшін бақыланатын заттар тізіміне енгізді.

Тыйым салынған дәрілерден бөлек, Қазақстан аумағында медициналық мақсатта қолданылатын және бақылауға жататын заттардың атаулары көрсетілген тізімді кеңейтпек. Олардың ішінде: клоназолам, диклазепам, флубромазолам. Сондай-ақ 4-метилпропиофенонды бақылаудағы прекурсорлар (есірткі және психотроптық заттарды заңсыз өндіруде жиі қолданылатын химиялық және өсімдік заттары) тізіміне қосылуы мүмкін.

Ішкі істер министрлігінің қаулысы 7 желтоқсанға дейін талқыланады. Құжат туралы толық ақпаратты мына жерден табуға болады.

Біздің Instagram парақшамызға жазылыңыз

Жаңалықтарды ең бірінші болып оқыңыз

жазылу
Кликните на изображение чтобы обновить код, если он неразборчив