10 ақпанда Облыс орталығынан келген алты саяхатшы Риддер қаласында Үлбі өзенінің маңайындағы Сержиха тауында қарда сырғанап жүрген. Кенеттен таудан көшкін жүріп кетті. Демалушылардың бірін қар басып қалды.

- Дереу көмекке ШҚО ТЖД Жедел құтқару жасағының құтқарушылар тобы кинологиялық есеппен бірге Еврокоптер-145 тікұшағымен шықты, құрамында 5 адам бар екінші топ жол талғамайтын көлікпен Өскеменнен шықты, оған қоса Риддер қаласынан құтқарушылар мен 4 волонтер қарда жүргішпен қосымша жұмылдырылды, - деді Қазақстан Республикасы Төтенше жағдайлар министрлігінің ресми өкілі Талғат Уәли.

16.23 сағатта тікұшақ күннің бұлтты болуы мен көзге түрткісіз түтек боран салдарынан қонуға мәжбүр болды. Осы уақытта саяхатшылар байланысқа шығып, зардап шеккенге дейін жетіп, қар астында қалған 1979 жылы туған еркектің денесін алып шыққанын хабарлады.

Саяхатшылар тұрған орындарының нақты координаттарын берген соң, ол жерге құтқарушылар мен волонтерлар қарда жүретін техникамен жетті. Таудан түскен кезде қар жабынының биіктігі мен күннің батуы, тік қия және төменгі ауа температурасы қиындатты.

11 ақпанда 8 волонтер, 2 құтқарушы және 1 криминаллық полиция сарапшыдан тұратын топ, сонымен қатар 3 саяхатшы қаза болған адамның денесін түсіру үшін тауға кетті.

ШҚО ТЖД құтқарушылары бірнеше күн қатарынан тұрғындарға алдын ала таудағы көшкін қаупі туралы ескерту жасаған.

ҚР ТЖМ мынаны ескертеді:

-  Қолайсыз ауа-райы, қар кезінде тауға шықпаңыз;

-  Қатты жел және жылымық кезде;

-  Тауда жүрген кезде ауа-райын қадағалаңыз;

-  Тауға шыққан кезде баратын ауданды, көшкін жүруі ықтимал орындарды біліңіз. Ол көбінесе беткей еңісі 30°градустан асса жиі болады, егер де беткейде бұталар мен ағаштар болмаса – еңісі 20°. Беткей еңісі 45° асатын болса көшкін әр қар жауған сайын жүреді.

Егер де көшкінге тап болсаңыз ҚР ТЖМ ескертеді:

-  Егер де көшкіннің жүруін көрсеңіз жолынан көлденеңінен қарай қашуға тырысыңыз;

-  Төмпешік, қуыс болса тасасына тығылып қалыңыз;

-  Көшкіннен қашып кете алмасаңыз – артық заттардан арылыңыз;

-  Мұрын мен ауызды қолғаппен жабыңыз, көшкінде келе жатып қолмен жүзу қимылдарын жасаңыз және қолдарыңызды жоғары шығаруға тырысыңыз;

-  Көшкін тоқтаған кезде беттің маңайына, кеуде тұсына кеңістік қалдырыңыз, ол тыныс алуға мүмкіндік береді;

- Мүмкіндік болса жоғарыға қатарй ұмтылыңыз (оны сілекейдің көмегімен анықтаңыз); көшкінде қалғанда айғайламаңыз, қар дыбысты толық сіңіріп алады, айғай мен ретсіз қимылдар күшіңіз бен оттегін, жылуды сарқылтады.

-  Төтенше жағдай кезінде 112-ге хабарласыңыз.