"Қазгидромет" синоптиктері алдағы 11-13 сәуір аралығында Қазақстанда ауа райы қандай болатыны туралы болжам жасады.

Болжамға сәйкес, атмосфералық фронтальды ағымдардың өтуімен Қазақстанның басым бөлігінде ауа-райының тұрақсыз сипаты күтіледі, жаңбыр жауады, деп хабарлайды Altaynews тілшісі.

 Ал 11 сәуірден 12 сәуірге қараған түні еліміздің оңтүстігінде, оңтүстік-шығысында қатты жауын-шашын болып, арты қарға ұласуы мүмкін. Елдің солтүстік жартысында Скандинавия аймақтарынан ойысқан солтүстік-батыс антициклонының әсерінен түнде ауа температурасы 5-10 градусқа дейін төмендейді деп күтілуде.

  "Алайда, көктем өз нәтижесін бермек, күндізгі уақытта ауа температурасы біртіндеп көтеріледі. Ал 13 сәуірде термометр бағаны республиканың солтүстік жартысында 10-18, ал оңтүстікте 17-30 градусқа дейін көтеріліп, күн ысиды. Республика бойынша тұман, желдің күшеюі, оңтүстік өңірлерде шаңды дауыл мен найзағай, солтүстік жартысында көктайғақ күтілуде", делінген хабарламада.