Өскеменнің іргесіндегі Меновное ауылында жолаушы толы автобус жол жиегіндегі шұңқырға түсіп кетті, деп хабарлайды Алтайньюс тілшісі.

 Аталған ауылдан қалаға қатынап тұратын №55 қоғамдық көлік жол жиегіндегі шұңқырға түсіп кетті. Куәгерлер оқиғаның бейнежазбасын  әлеуметтік желіге таратты.

 «Иә, біздікілер жолды осылай жөндейді», «Бұндай жолмен жолаушы толы автобустар қалай өтіп жүр?» деп жарыса жазып жатыр желідегілер.  

Естеріңізде болса осыдан бір айға жуық бұрын уақыт қана дәл осы Меновной кентінде тұтас көлік шұңқырға түсіп кеткенін жазған болатынбыз.