«Азаматтарға арналған үкімет» мемлекеттік корпорациясының ақпараты бойынша, Халыққа қызмет көрсету орталықтарының қызметкерлері қоғамдық орындарда мемлекеттік қызмет көрсете бастады, хабарлайды Altainews.kz тілшісі.

Еліміздің бірнеше ірі қалаларында 29 connectionpoint ашылды.

Айта кетсек, Sonnectionpoint - бұл адамдарға электрондық үкімет порталы арқылы қызметтерді өз бетінше алуға көмектесетін аймақ.

Мұнда тұрғындар электронды цифрлық қолтаңба алу, тұрғылықты жері бойынша тіркелу, зейнетақы төлемдері туралы анықтама алу және тағы да басқа мемлекеттік қызметтерді лезде ала алады.

Өзіне өзі қызмет көрсету орындары сауда-ойын сауық орталықтары, автовокзал, банк, базар сияқты адамдар көп жиналатын жерлерде орналасқан.

Өскеменде connectionpoint Қазақстан көшесі, 62 мекенжайындағы  «ADK River» сауда-ойын сауық орталығында ашылды.

Айжанат Бақытқызы