Бүгін, 12 қазанда сағат 09:30-дан бастап ауа райының қолайсыздығына байланысты Шығыс Қазақстан облысында жол қозғалысына шектеу қойылды,деп хабарлайды Altainews.kz тілшісі. 

Атап айтқанда, «Өскемен – Тарғын – Самар» бағытындағы облыстық маңыздағы автожолдың 63-145 шақырым аралығында қысқы шиналармен жабдықталмаған көліктердің қозғалысына уақытша шектеу енгізілді.

Мамандар жүргізушілерге жол ережелерін сақтап, ауа райының өзгеруіне байланысты сақтық шараларын күшейтуді ескертеді.