Мемлекет басшысы Ердоғанға көңіл айту жеделхатын жолдады
Қасым-Жомарт Тоқаев пен Режеп Тайип Ердоғанү Фото: t.me/aqorda_resmi
Қасым-Жомарт Тоқаев Режеп Тайип Ердоғанға лаңкестік шабуыл салдарынан бірнеше адамның қаза табуына байланысты көңіл айту жеделхатын жолдады, деп хабарлайды Altainews.kz тілшісі Ақордаға сілтеме жасап.
Мемлекет басшысы Анкара қаласының маңындағы TUSAŞ аэроғарыш корпорациясының ғимаратына жасалған лаңкестік шабуыл салдарынан бірнеше адамның қаза табуына байланысты Түркия Президенті Режеп Тайип Ердоғанға көңіл айтты.
"Суыт хабарды терең күйзеліспен қабылдадым. Қазақстан бейбіт тұрғындарға қарсы қастандық әрекетті қатаң айыптайды. Осындай ауыр сәтте Сізге және барша түрік халқына, сондай-ақ қайтыс болған азаматтардың жақын туыстарына қайғырып көңіл айтамын. Марқұмдардың жаны жаннатта болсын. Зардап шеккендердің тезірек сауығып кетуіне тілектестік білдіремін", – деп жазылған жеделхатта.
Айта кетейк, 23 қазанда Түркияның Анкара қаласында лаңкестік шабуыл болды. Салдарынан қаза тапқандар мен жарақат алғандар бар. Ақпаратты Түркияның ішкі істер министрі Әли Ерликая растады.
Оқи отырыңыз
ҚР Президенті Бразилия басшысына көңіл айту жеделхатын жолдадыҚР Президенті Мәскеудегі террорлық актіге байланысты пікір білдірдіМемлекет басшысы Қарағанды облысында кеншілердің қаза табуына байланысты көңіл айттыПрезидент Ердоғанды киелі Түркістанға шақырды«Кінәлілер заңға сәйкес қатаң жазаланады» - Қасым-Жомарт Тоқаев
