27 сәуір күні түнгі уақытта Бородулиха ауданында «Бородулиха-Жезкент» тас жолымен келе жатқан 30 жастағы көлік тізгіндеген жүргізуші жолдың жиегімен келе жатқан 40 жастағы жаяу жүргіншіні қағып кетті.

Келтірілген дене жарақаттарының салдарынан жаяу жүргінші оқиға орнында қаза тапты.

-  Қазіргі уақытта бірқатар сот-медициналық сараптамалар тағайындалып, сотқа дейінгі тергеу амалдары жүргізілуде. Сот-медициналық сараптамалардың нәтижесі бойынша процессуалдық шешім қабылданатын болады, - деп хабарлайды ШҚО ПД баспасөз қызметі.

 Аталған факті бойынша ҚР ҚК-нің 345-бабы 3-бөлігімен (Көлік құралдарын басқаратын адамдардың жол жүрісі немесе көлік құралдарын пайдалану қағидаларын бұзуы, абайсызда адам өліміне әкеп соққан іс-әрекет) сотқа дейінгі тергеу амалдары жүргізілуде.