Өскеменде жаңа жылдық безендіру жұмыстары аяқталды, деп хабарлайды қалалық әкімдік.

Безендіру жұмыстары Қазақстан, Комендантка көшелерінде, сондай-ақ Жеңіс даңғылы мен Ушанов алаңында, Металлургтер мәдениет сарайы алдындағы саябақ, Арбат пен Республика алаңында жүргізілді.

Сонымен қатар, Назарбаев даңғылы мен 19 шағын аудандағы аллеяларды безендіру жұмыстары да аяқталып қалды. Одан бөлек, Арбат, Комендантка, 19 ықшам ауданында интерактивті шыршалар орнатылды.

Ал Республика алаңындағы басты шырша құрылып бітіп, кеше кешқұрым шамдары жанып, қала тұрғындарын мерекелік атмосфераға бөлеп жатыр.