Өскеменде «Мен сұрыптаймын» челленджі басталды
![](/kz/uploads/posts/2023-03/338187328_521377233406072_7112036708999668177_n-1.webp)
Өскемендіктер «Мен сұрыптаймын» деп аталатын челленджге қатыса алады.
Өскеменде 28 наурыздан «Мен сұрыптаймын» челленджі басталды. Бұл туралы қала әкімі Жақсылық Омар әлеуметтік желідегі парақшасында жариялады, деп хабарлайды Altaynews тілшісі.
Бұл акция қоқысты сұрыптау мен экологиялық өмір салтын танымал ету жылы аясында өткізіліп отыр екен.
Сонымен, челленджеге қатысу үшін не істеу керек?
1) Үйіңізде немесе жұмыс орныңызда сұрыптау процессі қалай реттелгені туралы видео түсіріп, өз нәтижелеріңізбен және лайфхактарыңызбен бөлісесіз.
2) Бұл видеоны #өскементазақала немесе #укачистыйгород хештегін қойып, Instagram немесе TikTok әлеуметтік желілеріндегі парақшаңызға жариялайсыз.
3) Айына бір рет @akimatoskemen парақшасында видео авторларының арасында жүргізілетін ұтыс ойыны бойынша тікелей трансляцияларды көріп отыру қажет. Алғашқы ұтыс ойыны мамыр айында өтеді. Нақты күні мен уақыты жеке хабарланады.