Өскемендегі аз қамтылған және көпбалалы отбасынан шыққан оқушылар «Денсаулық күні» аясында «Алтай Альпісінде» тегін демалуға мүмкіндік алды.

5-8 сынып оқушыларына арналған игі іс-шара Таулы Үлбіде орналасқан шаңғы курортында 7 наурыз бен 30 сәуір аралығында өткізіледі, деп хабарлайды Altainews.kz тілшісі.

«Изумрудный Алтай» компаниялар тобының қолдауымен құрылған жоба екі кезеңнен тұрады: мамандар шаңғы тебуді алдымен дене шынықтыру пәнінің мұғалімдеріне, содан кейін оқушыларға үйретеді. Ұйымдастырушылар оқушылардың қауіпсіздігіне кепілдік береді. Тәжірибе сабағы жұмыс күндері екі ауысым бойынша болады: 9.00-ден 13.00-ге дейін және 13.00-ден 17.00-ге дейін.

Өскемен қаласы әкімдігінің ақпаратына сүйенсек, балалар  іс-шара аясында шаңғы тебуді үйреніп ғана қоймай, түрлі ойын-сауықтық бағдарламалар мен байқауларға қатысады.

Ал «Алтай Альпісі» тау шаңғысы курортының иесі Александр Чиликин:

Бұл бастаманы Өскемен қаласының Мәдениет және тілдерді дамыту бөлімі де іліп әкеткен көрінеді. Осылайша биылғы көктемінің алғашқы айында «Алтай Альпісінде» жаңа бағдарлама басталды.