Шахтер өрт шыққан пәтерден зейнеткерді алып шықты – ШҚО
Фото: ШҚО ТЖД баспасөз қызметі
Риддер қаласындағы Абай көшесінде орналасқан көпқабатты үйлердің бірінен өрт шықты.
Түтіннің иісін үйдің маңынан өтіп бара жатқан Нұрсұлтан Достан сезіп қалады. Еш ойланбастан көмекке жүгірген ол бірінші қабаттағы пәтерден 1930 жылғы қарияны сыртқа шығарған, деп хабарлайды Altaynews тілшісі.
Белгілі болғандай, егде тартқан ер адам электрлі жылытқышты қосып, төсек-орынға қойып қойған.
Осы орайда айта кету керек, зейнеткерді құтқарып қалған Нұрсұлтан шахтер болып жұмыс істейді.
- Жақында жылыту маусымы басталады. Тұрғындардан өрт қауіпсіздігі ережелерін қатаң сақтап, электр құрылғысын пайдалану жөніндегі нұсқаулықты мұқият оқып, танысуды сұраймыз. Қосылған электр құралдарын қараусыз қалдырмаңыз, - дейді ШҚО ТЖД баспасөз қызметі.
Өрт шыққан жағдайда бірден 101 және 112 нөмірлеріне хабар беріңіз.
Оқи отырыңыз
