Кеше Гагарин бульварында тағы бір адамды көлік қағып кетті
Кеше кешкі сағат 20:00 шамасында Өскемендегі Гаргарин бульварында тағы да адамды көлік қағу оқиғасы тіркелді, деп хабарлайды Алтайньюс тілшісі.
Жуықта ғана дәл осы бульвардың бойында кісі өлімі болған еді. Жаяу жүргіншіні машина қағу оқиғасы көп ұзамай тағы қайталанып отыр. Назарбаев даңғылынан бульварға бұрыла берген Scoda Octavia көлігінің 75 жастағы жүргізушісі 26 жастағы қызды қағып кеткен. Жүргізуші жаяу жүргіншіні көрмей қалуы мүмкін деген болжамдар айтылып жатыр
Абырой болғанда жаяу жүргінші дін аман. Медициналық тексерістен кейін ол үйіне жіберілді.
Ал қалалық полиция басқармасының баспасөз қызметі, жүргізушіге қатысты әкімшілік іс қозғалып, қаттама толтырылғанын мәлімдеді.