ШҚО-да супер ХҚКО салынады
ШҚО-да барлық талаптарға сай келетін супер халыққа қызмет көрсету орталықтары салынуы мүмкін.
Супер ХҚКО-да мемлекеттік қызметтердің 750-ден астам түрі көрсетіледі және кез келген құжатты рәсімдеуге, қызмет түрі мен кеңес алуға болады. Бұл туралы ШҚО әкімі Ермек Көшербаев мәлімдеді, деп хабарлайды Altyanews тілшісі.
Сонымен қатар облыс әкімі Өскемен қаласының әкіміне тұрғындар үшін қолайлы орын табуды тапсырды.
– Өкінішке қарай, "Азаматтарға арналған үкімет" мемлекеттік корпорациясының филиалдары жеткіліксіз бейімделген. Супер ХҚКО Шығыс Қазақстанның цифрлық әлеуетін одан әрі арттырмақ. Нысанды салу орны біраз талқыға түсіп, "Алтай" КСО жанында құрылыс нұсқасы ұсынылған, бірақ бұл орын объективті себептерге байланысты мүлдем жарамсыз, – дейді Ермек Беделбайұлы.
Айта кету керек, ел Президенті Қасым-Жомарт Тоқаевтың тапсырмасы бойынша арнайы ХҚКО құрылысы жүргізіліп жатыр. Жақын арада аймақ басшысы барлық жұмыстың кестеге сәйкес жүргізіліп жатқанына көз жеткізу үшін құрылыс нысанына баратынын айтты.
Оқи отырыңыз
