ШҚО-да супер ХҚКО пайда болады
Өскеменде супер қызмет көрсететін ХҚКО ашылады. Бұл туралы облыс әкімі Даниал Ахметов айтты.
ШҚО-ның орталығы Өскемен қаласында барлық талаптарға сай келетін жаңа супер ХҚКО және арнайы ХҚКО пайда болады, деп хабарлайды Altaynews тілшісі.
Айта кетсек, ШҚО-ға іссапармен Цифрлық даму, инновациялар және аэроғарыш өнеркәсібі министрі Бағдат Мусин келген еді. Ол Өскемен қаласындағы №3 Халыққа қызмет көрсету орталығына барып, жұмыс барысымен танысып, атқарылып жатқан істерге өз бағасын берді.
"Біз ХҚКО келетін адамдарға уақыттарын үнемдеп, үйден шықпай-ақ қызмет алуға болатынын түсіндіруіміз керек. Бір құжат үшін араға уақыт салып, бір адам 3-4 рет сіздерге қайта келсе, бұл осындағы қызметкерлердің қашықтан қызмет алуға болатынын дұрыс түсіндірмегені деуге болады", – деді Бағдат Мусин.
Бұл ХҚКО күніне 500-1000 адамға дейін қызмет көрсетеді екен.
ШҚО әкімі Даниал Ахметов осы кездесу барысында Өскемен қаласында барлық талаптарға сай келетін жаңа супер ХҚКО және арнайы ХҚКО пайдалануға берілетінін жеткізді.
Оқи отырыңыз
