Ақтөбеде мектепке басып кірмек болып жүрген кімдер?
Әлеуметтік желіде әлдекімдер мектептерге басып кіріп, оқушыларды қырып-жоямыз деп хабар таратуда. Бұл түсініксіз жағдай Ақтөбеде болып жатыр, деп хабарлайды Altaynews.kz тілшісі.
«Конец Актобе» деп телеграм-арна ашқандар «шабуыл» 26 қаңтарда басталатынын жазды.
Ақтөбе облысының полиция департаменті терроризм актісі туралы көпе-көрнеу жалған ақпарат таратқандарға қатысты тергеуді бастап кетті.
«Осы ақпаратты таратқан адамдарды анықтау үшін жедел іс-шаралар жүргізіліп жатыр. Күдіктілер жуық арада ұсталып, заңнамаға сәйкес жауапкершілікке тартылады», - деп мәлімдеді Ақтөбе ПД.
Құзіретті орган оқу орындарының қауіпсіздігін нығайту үшін бейнебақылау камераларын және мектептерге жақын жерде полиция нарядтарын көбейтіп жатыр.
Тәртіп сақшылары жалған ақпараттың кесірінен арандап қалмауға шақырады.
Оқи отырыңыз
Коронавирусқа қатысты жалған ақпарат таратқандар 7 жылға сотталадыӨскемен тұрғыны бомба туралы жалған ақпарат тараттыӨскеменде жарылғыш зат туралы хабарлаған тұрғынға қатысты үкім шықтыӨскеменде мектептерді тексеру аяқталып, соталды тергеу басталдыИнтернет өшірілмейді: ҚР ІІМ желіде тараған хабарламаға қатысты түсініктеме берді