Ауа температурасының жоғарылауына байланысты «Қызыл ту» өткеліндегі мұздан көліктердің өтуіне тыйым салды. Бұл туралы Күршім аудандық полиция бөлімі хабарлады.

Кеше, яғни, 24 наурыз күні арнайы комиссия өткел қауіпсіздігін тексеріп, күн райының күрт жылынуына байланысты мұз үсті көліктердің жүруіне қауіпті деген шешім шығарған.

Комиссия қорытындысы бойынша, 25 наурыздан бастап Күршім-Құлынжон бағытындағы мұз өткелінен өтуге тыйым салынады.