ШҚО ТЖД-да оқушылар үшін экскурсия ұйымдастырылды. ТЖД мамандандырылған бөлімінің ғимаратын аралап көрген оқушылар одан кейін өрт сөндірушілердің арнайы киімін көріп, техникамен танысты.

Мамандар оқушыларға өрт сөндіру ережесін түсіндіріп, оны орындамаған жағдайда өрттің қаншалықты тез таралатынын жеткізді, деп хабарлайды Altaynews тілшісі.

Сонымен қатар, өрт үлкен аумаққа таралмауы үшін не істеу керектігін көрсетіп, су, құм арқылы өрт сөндіру ережелерін айтып, өрт сөндіргіш құралды қолдану тәсілін үйретті.

Одан өзге, түтін арасында қауіпсізд жерді қалай табуға болатынын, құтқарушылар келгенге дейін не істеу керегін айтты. Оқушылар «112» қызметіне хабарласып, мекенжайды, жағдайды дұрыс жеткізуді үйреніп, өрт шыққан ғимараттан шығу жолдары туралы ақпарат алды.