Серебрянск қаласының балалары үшін мектеп жанынан жазғы лагерь ашылған.

Балалар қаланың №19 өрт сөндіру бөлімін аралап, құтқарушылар қызметі туралы ақпаратқа қанықты, деп хабарлайды Altaynews тілшісі.

Құтқарушылар балалар үшін «Ашық есік күні» акциясын ұйымдастырған.

Жеткіншектер өрт сөндіру көлігіне отырып, өрт сөндірушілердің арнайы бас киімін киіп көрді. Сонымен қатар отпен ойнау өртке ұласуы мүмкін екені туралы ақпарат пен ойын түрінде қауіпсіздік ережелері түсіндірілді.