Бүгін таңертең Өскеменде белгісіз біреу әйел адамды зорламақ болған.

Бұл туралы оқиғаға куә болғандар әлеуметтік желіде жазды, деп хабарлайды Altaynews.kz тілшісі.

Оқиға Протозанов көшесінде болды. Куәгерлердің айтуынша, таңертең жұмысына кетіп бара жатқан әйел адамға белгісіз бір еркек шабуылдап, зорлық көрсетуге талпынған.

ШҚО Полиция департаменті мұндай оқиғаның болғанын растап отыр. Факт тіркелген. Қазір күдікті қамауға алыныпты. Оқиғаның мән-жайы анықталып жатыр.