Білім мекемесінің басшысы жан-жақты қабілетті адам болуы керек – министр
Елімізде Мемлекет басшысының тапсырмасы бойынша кәсіби көшбасшыларды іріктеу және даярлау үшін «Білім берудегі өзгерістердің 1000 көшбасшысы» жобасы қолға алынды. Бұл туралы ШҚО-ға жұмыс сапарымен келген Оқу-ағарту министрі Ғани Бейсембаев айтты.
Оқу-ағарту министрі білім саласына серпін беретін тетіктің бірі сапалы менеджмент екенін айтып өтті, деп хабарлайды Altaynews.kz тілшісі.
Биыл осы мақсата кәсіби көшбасшыларды іріктеу және даярлау үшін арнайы жоба пилоттық режимде іске қосылған екен.
— Кез-келген білім мекемесінің бірінші басшысы жан-жақты қабілетті адам болуы керек. Біз нағыз көшбасшыларды іздеп табамыз. Осы мақсатта «Білім берудегі өзгерістің 1000 көшбасшысы» жобасын іске қостық. Пилоттық жобаға қазір 275 педагог қатысып жатыр. Әуелі, орынбасарлардың, содан кейін педагогтардың арасынан көшбасшы іздейміз. Білікті маманның ешқандай тамыр-таныссыз басшы болуына жол ашамыз, — деді министр.
Оқу-ағарту министрі кез-келген білім мекемесінің басшысы өз орнында бес жылдан көп отырмауы керек деген ұстанымды қолдайтынын жеткізді.
Оқи отырыңыз
