Елімізде 8 сәуірде басталған «Таза Қазақстан» акциясы 11 мамырға дейін жалғасатыны белгілі. Бұл іс-шараға зайсандықтар да белсене атсалысып жатыр, деп хабарлайды Altainews.kz тілшісі.

Мемлекеттік қызметкерлер, еріктілер, студенттер мен жастар ресурстық орталығының мамандары «Киелі мекен» апталығының алғашқы екі күнінде ескерткіштерді, мемориалдар мен бюстерді тазалап, абаттандырып, қалпына келтіру жұмыстарын жүргізді.

Айта кетейік, Зайсан ауданында 26 тарихи-мәдени архитектуралық және 10 археологиялық ескерткіш бар.