Қазақстанда еңбекқор азаматтарды қолдау мақсатында «ҚР ҮЗДІК ЕҢБЕК АДАМЫ» республикалық патриоттық байқауы жарияланды. Байқауды «Жаңа Қазақстан» инновациялық орталығы ұйымдастырып отыр.

Бұл байқау өз саласында кемінде 7 жылдық еңбек өтілі бар, кәсіби шеберлігі мен адалдығымен танылған азаматтарға арналған. Негізгі мақсат – елдің әлеуметтік-экономикалық дамуына үлес қосқан мамандардың мәртебесін көтеру, еңбекқорлықты насихаттау және жас ұрпаққа адал еңбектің маңыздылығын көрсету.

Кімдер қатыса алады?

Байқауға Қазақстан Республикасының еңбек нарығында кемінде 7 жылдық тәжірибесі бар, өз ісінің білікті маманы әрі абыройлы азаматы атанған кез келген сала өкілі қатыса алады.

Қатысу шарттары:

• Бірінші кезең – үміткер туралы 2 беттен аспайтын эссе (шрифт – Times New Roman, 14 кегль).
• Арнайы өтінім үлгісін толтырып, astana-20n@mail.ru электрондық поштасына жолдау.
• Өмірбаянды растайтын құжаттар (құрмет грамотасы, алғыс хат, сертификат және т.б.).
• Құжаттарды тапсыру мерзімі – 2025 жылғы 28 ақпанға дейін.

Жеңімпаздар Астанада өтетін салтанатты конференцияда марапатталады. Оларға белгілі тұлғалардың қолынан арнайы марапаттар табысталады.

Өтінімдер қабылдау электрондық поштасы: astana-20n@mail.ru