ІІМ детективтік романдар мен повестердің байқауын жариялайды
Фото: depositphotos.com
Полиция күні қарсаңында еліміздің Ішкі істер министрлігі «Серт» үшінші республикалық әдеби байқауы өткізілетінін хабарлайды. Бұл туралы министрліктің баспасөз қызметі жазады.
Байқаудың басты мақсаты – елдегі қауіпсіздік пен тәртіпті қамтамасыз ететін полицейлердің ерлігін насихаттау, халықтың құқықтық санасы мен мәдениетінің деңгейін арттыру, ішкі істер органдары қызметкерлерінің күрделі де қауіпті жұмысына жұртшылықтың назарын аудару, сондай-ақ қазақстандық детектив жанрын дамыту.
– Ағымдағы жылы конкурсқа барлық ниет білдірушілерден бөлек полиция бөліністері де қатыса алады. Бұрын жарияланбаған детективтік шығармалар биылғы қазан айына дейін қабылданады. Туындылар конкурс туралы ережеде көрсетілген талаптарға сай болуға тиіс. Онымен ІІМ ресми порталында танысуға болады, – деп хабарлайды ведомствоның баспасөз қызметі.
Байқау қорытындысын белгілі жазушылар мен ақындардан, қоғам қайраткерлерінен, журналистерден және ішкі істер органдарының ардагерлерінен құралған қазылар алқасы шығарады. Жеңімпаздардың есімі жыл соңында жарияланбақ.
Оқи отырыңыз
