Бүгін ҚР Ішкі істер министрлігіне қарасты полиция қызметкерлерінің төл мерекесі аталып өтеді.

1992 жылғы 23 маусымда Қазақстан Республикасы Жоғарғы Кеңесі «Қазақстан Республикасы ішкі істер органдары туралы» Заңды қабылдаған, деп хабарлайды Altaynews Қазақпарат агенттігіне сілтеме жасап.

Аталған заң Қазақстан полициясының қызметі мен міндетін айқындайтын алғашқы құқықтық акт болды.

2007 жылы 5 маусымда «Қазақстан Республикасы ішкі істер органдары туралы» ҚР Заңының қабылданғанына 15 жыл толуына орай, 23 маусым – Полиция күні болып бекітілді.

Қазақстан полициясы күні – полиция қызметкерлері мен ардагерлерінің еңбегін ескеріп, оларға ризашылық пен алғыс сезімдерін білдіру күні. Бұл күні қызмет барысында қаза тапқан полицейлерді еске алып, іс-шаралар ұйымдастырылады.