ШҚО-ның Майемер ауылында медициналық пункттің құрылысы басталды
Президенттің ауылдық денсаулық сақтауды жаңғырту жөніндегі тапсырмасына орай Үлкен Нарын ауданының Майемер ауылында жаңа медициналық пункттің құрылысы басталды, деп хабарлайды Altainews.kz тілшісі.
Бұл медпунктте шалғайдағы ауыл тұрғындарына алғашқы санитарлық-медициналық көмек көрсетіліп, балаларға вакцина салу, дәрі-дәрмекпен қамту сияқты қызметтер көрсетілетін болады.
Жаңа ғимарат барлық қажетті жабдықтармен, бала денсаулығы кабинетімен, заманауи талаптарға сай келетін процедуралық, терапиялық кабинеттермен жабдықталады. Соның арқасында медициналық көмекті ауылдық округтің 300-ден астам тұрғыны алатын болады.
– Ауылдық денсаулық сақтауды жаңғырту маңызды жоба, оның негізгі міндеттері - жоспарлы медициналық көмекті және алғашқы медициналық көмекті сапалы атқару. Медициналық пункт құрылысына республикалық және облыстық бюджеттен 217 млн теңге бөлінген, - деп хабарлады облыстық денсаулық сақтау басқармасынан.
Оқи отырыңыз
