Елімізде коронавирус жұқтырғандардың саны 8 дамға жетті. Бүгін тағы жаңа екі науқас тіркеліп отыр, деп хабарлайды Алтайньюс тілшісі.

Бұл туралы Денсаулық сақтау министрі Елжан Біртанов «Хабар 24» арнасынан тікелей эфирде мәлімдеді.

- Қазіргі таңда Қазақстанда 8 науқас бар. Бәрі оқшаулауда, - дейді министр.

Науқастардың бірі -  1959 жылғы әйел адам. Бұған дейін күйеуінде диагноз анықталып, оқшаулауда жатқан екен. Қосымша диагностика арқылы өзінен де коронавирус инфекциясы анықталған. Бұл отбасындағы адамдардың барлығы карантинге жатқызылған.

Екінші науқас - «Сеул-Алматы» ұшағының жолаушысы. Алматыға кеше ұшып келген. Ұшақтың жолаушылары толықтай инфекциялық ауруханаға және станционарға жатқызылыпты.