Риддерде тағы да өрт шықты, деп хабарлайды Алтайньюс тілшісі.

Оқиға Юбилейный көшесіндегі көпқабатты үйлердің бірінде болған. Мамандардың айтуынша, үйдегі қосулы тұрған жылытқыштың кесірінен жиһаздар жана бастапты. Өрт сөндірушілер келген бойда  үйдегі 26 адамды эвакуациялады, оның сегізі – бала. Алайда, 84 жастағы пәтер иесі көз алдында жанып жатқан үйін қимай, өртті өзі сөндірмек болыпты. Құтқарушылар тобы зейнеткерді сыртқа шығарып, жедел жәрдем қызметін шақырған. Зардап шеккендер жоқ.