Шығыс Қазақстан облысының тұрғыны өртеніп жатқан үйін сөндірмек болып, газға уланып, ауруханаға түсті, деп хабарлайды Алтайньюс тілшісі.

Оқиға кеше кешке Ұлан ауданының Герасимовка ауылында болған.

– Әйел адам жұмыстан қайтып келе жатып, үйінің өртеніп жатқанын көрген.  Дереу өрт сөндірушілерді шақырып, артынша өзі де өртті сөндіруге кірісіп кеткен. Өкінішке орай, үй иесі уланып, ауруханаға түсті, – деп мәлімдеді ШҚО ТЖД.

Департамент мәліметіне сүйенсек, өрттің жалпы ауданы – жүз шаршы метр. Сондай-ақ бөлмелердің бірінде орналасқан газ баллондарының жарылу қаупі болған көрінеді. Мамандардың айтуынша, жылыту пешін пайдалану кезінде қауіпсіздік техникасының сақталмауы өрттің шығуына бірден-бір себеп болған.