Қалалық әкімдік ықшам аудандардың мәселелерін шешу бойынша жоспар дайындауда, деп хабарлайды Алтайньюс тілшісі.

Қала әкімі Жақсылық Омар бір ай мерзім ішінде әрбір шағын аудандағы мәселелерді шешу бойынша іс-шаралар жоспарын әзірлеуді тапсырып отыр.

Ықшам аудандардағы мәселелер екі санатқа бөліп қарастырылмақ: қалалық бюджеттің есебінен шұғыл түрде шешуге болатын және облыстық не республикалық бюджет есебінен шешілу мүмкін ауқымды мәселелер.

- Бірінші кезекте облыс әкімінің тапсырмасы бойынша халықтың өмір сүру сапасын айтарлықтай арттыратын мәселелер шешілуі тиіс, - деді қала басшысы аппараттық кеңес барысында.