Тағы бір жаңа трамвай жолға шықты. Бұл туралы қала әкімі мәлімдеді, деп хабарлайды Altaynews тілшісі.  

– Кеше Минсктен әкелінген жаңа трамвайлардың төртіншісі барлық дайындық процедураларынан өткізіліп, желіге шығарылды. Төрт вагон да қала тұрғындары көп пайдаланатын үшінші маршрутта жұмыс істейді. Қоғамдық көліктің бұл экологиялық түрі – Өскеменнің визит картасы әрі тарихының бір бөлігі. Біз жабдықтау мен қызмет көрсетуді жаңа деңгейге шығара отырып, осы бағытты әрдайым қолдайтын боламыз, – деді Өскемен әкімі Жақсылық Омар.

Айта кетейік, биыл қалаға 40 жыл ішінде алғаш жаңа трамвайлар әкелінді.