Қазақстанда Бірыңғай жиынтық төлемнің (БЖТ) мерзімі аяқталады. Бұл туралы Қаржы министрлігінің Мемлекеттік кірістер комитеті хабарлады.

Бірыңғай жиынтық төлем (БЖТ) бастапқыда 5 жылға (2019 жылдан 2023 жылға дейін) уақытша енгізілген. Бұл төлемді жеке кәсіпкерлер ретінде тіркелмеген, өзін-өзі жұмыспен қамтыған азаматтар, егер олар тек жеке тұлғаларға қызмет көрсетсе және олардың жылдық табысының сомасы 4 миллион теңгеден аспайтындар ала алады.

"БЖТ енгізудің негізгі және жалғыз мақсаты – өзін-өзі жұмыспен қамтығандарды міндетті әлеуметтік медициналық сақтандыру, әлеуметтік сақтандыру және зейнетақымен қамсыздандыру жүйелеріне тарту. Сондықтан бұл төлемдер төменгі жеңілдіктер кезеңі болған еді. Бұл кезең аяқталады", деді Мемлекеттік кірістер комитеті.

Жеке тұлғалардың табыстарын декларациялау кезең-кезеңімен енгізіліп жатыр. Онда табыстардың мөлшерін көрсету қажет. Бұрын кәсіпкерлік қызметті тіркемеген азаматтар енді кәсіпкер ретінде тіркеліп немесе жалдамалы қызметкер болып жұмыс жасауы керек. Таңдауы өз еркінде. Жеке кәсіпкер ретінде тіркелген жағдайда тиісті салық режимін таңдайды.

Ведомствоның мәліметінше, жеке қызметтерді көрсету кезінде арнаулы мобильді қосымшасы "e-Salyq Business" салық режимі бар. Ол чек беруге мүмкіндік береді. Сіздің орныңызға салықтар мен төлемдерді есептейді, декларация ұсынылмайды.

"Бюджеттің төлемі алынған кірістен бір пайызы. Бұл жеке табыс салығының мөлшерлемесі. Жеңілдікті санаттарға жатпайтын кәсіпкердің әлеуметтік төлемдерінің ең төменгі сомасы – 14 350 теңге. Бұл – кәсіпкердің пайдасына жасалатын төлемдер", деді Мемлекеттік кірістер комитеті.

Міндетті зейнетақы жарналары бұл жағдайда 7 000 теңге болады. Кәсіпкердің БЖЗҚ-дағы жеке шотына аударылады және оның зейнетақы жинақтарын қалыптастырады.

Әлеуметтік аударымдар 2450 теңгеге тең, олар сондай-ақ әрбір тұлға бойынша дербес ескеріледі және әлеуметтік төлемдердің мөлшерін айқындайды. Мысалы, декреттік демалысқа шыққанда.

Міндетті әлеуметтік медициналық сақтандыру жарналары – 4900 теңге. Бұл қажет болған жағдайда медициналық мекемелерге кедергісіз жүгінуге мүмкіндік береді.

Өткен жылы интернет-платформаларын пайдалана отырып, қызмет көрсететін тұлғалар үшін салық міндеттемелерін орындауды жеңілдету мақсатында "платформалық жұмыспен қамту" пилоттық жобасы іске асырылып жатыр. Жоба шеңберінде жеке кәсіпкер үшін салықтарды ұстап қалуды және төлеуді интернет-платформа жүргізетін болады.