Әскерге шақыруды кейінге қалдыру немесе одан босату мемлекеттік қызметі Халыққа қызмет көрсету орталығы арқылы да, онлайн түрде де көрсетіледі. Яғни азаматтар үйден шықпай-ақ электронды үкімет порталы арқылы өтініш бере алады.

Қызметті алу үшін порталда авторизациядан өтіп, "Қауіпсіздік" бөліміндегі "Шақырудан кейінге қалдыруды ұсыну" қызметін таңдау қажет, деп хабарлайды Altaynews тілшісі.

Бұдан әрі ұсынылған және қосымша жолдарды толтыру, кейінге қалдыру немесе босату себебін көрсету, құжаттардың электрондық көшірмелерін жүктеу және ЭЦҚ көмегімен өтінішке қол қою қажет. Өтінім 6 күн ішінде қаралады. Мемлекеттік мекеменің жауабы электронды порталдың жеке кабинетіне түседі.

Естеріңізге сала кетейік, әскерге шақыруды кейінге қалдыру немесе одан босату мемлекеттік қызметі отбасылық жағдайлармен, оқуды жалғастырған және денсаулығына байланысты жағдайда қарастырылады.