ШҚО полицейлері ақша бопсалаған бойжеткенді ұстады
Жедел уәкілдер ер адамды бопсалап, ақша алып жатқан жерінен облыс орталығында тұратын 26 жастағы қызды ұстады.
Белгілі болғандай, бойжеткен жәбірленушімен бұрын таныс болған. Қыз ер адамды жеке басына қатысты ақпаратты таратамын деп қорқытып, одан 6 миллион теңге талап еткен. Азамат полицияға жүгінген, деп хабарлайды Altaynews.kz тілшісі.
Бойжеткенді қаражаттың үштен бірінен аз сомасын алып жатқан жерінен Ұйымдасқан қылмысқа қарсы күрес басқармасының жедел уәкілдері ұстаған.
– Қазір аталған фактіге қатысты қорқытып алу бабы бойынша сотқа дейінгі тергеу басталды. Ұсталған адам уақытша ұстау изоляторына қамалды. Барлық мән-жайлар анықталуда, – деп хабарлайды олыстық ПД баспасөз қызметі.
Жанаргүл Мұқатай
Оқи отырыңыз
