Көшпенділер ойындары Астана қаласында 8-14 қыркүйек аралығында өтеді.

Астана әкімдігі көшпенділер ойындарына 100-ден астам елдің төрт мыңға жуық өкілі қатысатынын мәлімдеді, деп хабарлайды Altainews.kz сайты qazaqstan.tv ақпаратына сілтеме жасап.

Ойындарды өткізу үшін елорданың 6 негізгі спорттық инфрақұрылымы бекітілді: «Астана-Арена» стадионы, Ж. Үшкемпіров атындағы жекпе-жек сарайы, «Алау» мұз айдыны сарайы, «Қазақстан» жеңіл атлетика спорт кешені, «Думан» қонақүй кешені, «Қазанат» ипподромы.

Мәдени бағдарламаның негізгі алаңы «Қазанат» ипподромына іргелес «Көшпенділер әлемі» этноауылы болады. Ойындарды ұйымдастыруға 1000-ға жуық ерікті қатысады.