Полиция ШҚО-да іздеуде жүрген шетелдікті ұстады
pexels.com
Өскеменде полицейлер жалдамалы пәтерлердің бірінде шетелдік қылмыскерді ұстады.
25 жастағы тәжікстандық азамат бір жылдан астам уақыттан бері алаяқтық пен ұрлық жасағаны үшін іздеуде болған, деп хабарлайды Altainews.kz тілшісі.
- Қазіргі уақытта ұсталған адам УҰИ-ға қамалды. Тәжікстан Республикасындағы әріптестерге қылмыскердің орналасқан жері туралы хабарлама жіберілді. Оны экстрадициялау мәселесі қарастырылып жатыр, - деп хабарлады ШҚО ПД.
Айта кеткен жөн, биыл ШҚО ПД қызметкерлері іздеуде жүрген 15-тен астам қылмыскерді қолға түсірді.
Оқи отырыңыз
