Қазақстандық полицейлер түркиялық әріптестерімен бірге 8 қылмыскерді ұстады, деп хабарлайды Altaynews.kz сайты Polisia.kz-ке сілтеме жасап.

Қазақстанның ІІМ қызметкерлері түрік әріптестерімен бірге жыл басынан бері алаяқтық, аса ірі мөлшерде ұрлық жасағаны, қаржы пирамидасын құрғаны үшін іздеуде жүрген сегіз қылмыскерді Түркияда тұтқындады.

Сонымен қатар қаңтар айында ішкі істер органдарының аумақтық бөліністерімен іздеуде жүрген 237 қылмыскер ұсталып, хабар-ошарсыз кеткен 150 адам табылды.