Шығыс Қазақстанда 22 шілдеде дауылды ескерту жарияланды.

Синоптиктердің болжамына сүйенсек, ертең ШҚО аумағында найзағай болып, бұршақ жауады және қатты жел соғады, деп хабарлайды Altaynews тілшісі.

«Қазгидромет» ШҚ филиалының ақпараты бойынша, 22 шілдеде Шығыс Қазақстан облысының солтүстігінде, шығысында найзағай күтіледі. Күндіз облыстың солтүстігінде және шығысында бұршақ жауып, дауыл соғады. Жел оңтүстік-шығыстан солтүстік-батысқа ауысады, облыстың солтүстігінде, шығысында екпіні 15-20 м/с дейін жетеді.

Аймақта төтенше өрт қаупі сақталады.