Жапонияның Төтенше және өкілетті елшісі Ямада Джун ресми сапармен ШҚО-ға келді. Жапон дипломаты өз елінің Қазақстанмен және оның ішінде Шығыс өңірімен әріптестік байланыс орнатуға ерекше ынталы екенін мәлімдеді.
Бүгін Шығыс Қазақстан облысының әкімі Ермек Көшербаев Жапония мемлекетінің Төтенше және өкілетті елшісімен кездесті. Тараптар экономиканың түрлі салаларындағы ынтымақтастық мүмкіндіктерін талқылады. 2024 жылы Алматы-Токио бағытында жаңа әуе рейсі іске қосылады, деп хабарлайды Altaynews.kz тілшісі.

Кездесуге қатысушылар бұл Қазақстан мен күншығыс елінің экономикалық, мәдени және туристік қатынастарына тың серпін беретініне сенімді. 
Ямада Джунның айтуынша, жапон кәсіпкерлері тау-кен металлургия өнеркәсібі, медицина, туризм сияқты салаларда қазақстандық әріптестермен тізе қосып жұмыс істеудің әлеуеті зор екенін біледі. Ал ШҚО Қазақстан-Жапония әріптестігін дамыту орталығына айналуы мүмкін.