Елімізде өмір сүру ұзақтығы 74,4 жасқа дейін өсті
Мемлекет басшысының денсаулық сақтау саласындағы тапсырмаларын іске асыру денсаулық көрсеткіштерінің жақсаруына әсер етті.
Елімізде өмір сүру ұзақтығы 74,4 жасқа дейін, ал Шығыс Қазақстан облысында 72,4 жасқа дейін өсті, деп хабарлайды Altaynews.kz тілшісі.
Шығыс Қазақстан облысына жұмыс сапарымен келген вице-министр Вячеслав Дудниктің сөзінше, елімізде алғашқы медициналық-санитарлық көмекті дамытуға ерекше көңіл бөлінеді.
Елімізде 687 мың, оның ішінде Шығыс Қазақстанда 5,5 мың медициналық қызмет, телемедициналық консультациялар қашықтан көрсетілген. Облыста 3 инсульт орталығы және 1 коронарлық орталық жұмыс істейді.
Автор: Айжанат Бақытқызы